 |
|||
 |
Maniitsumi Atuarfeqarfik Maniitsup kommuneani atuarfiit sisamat inissisimapput. Ataaseq illoqarfimmi inissisimavoq nunaqarfinnilu tamarmik atuarfeqarlutik. Atuarfik Kilaaseeraq, Kangaamiut Atuarfia, Napasup Atuarfia aammalu Atammiup Atuarfia. Atuarfeqarfiup ittua inissisimavoq Atuarfik Kilaaseeqqami aamma Kangaamiut Atuarfiani immikkut aamma ittoqarput, Ataamiup Napasullu atuarfiini siulersuisoqarput. Atuarfiit sisamat tamarmik siulersuisoqarput, Kilaaseeqqami qulingiluanik ilaasortaqarlutik angajoqqaallu sinniisaat tallimaapput, marluk ilinniartitsisuupput marlullu atuartunit sinniisuullutik. Atuarfinni allani tallimanik ilaasortaqarput, pingasut angajoqqaat sinniisui, ilinniartitsisorlu ataaseq aammalu atuartunit ataaseq. Sunngiffimmi atuartitaaneq atuuppoq atuarfinni tamani, aammalu atuartut najugaqarfiinik peqarpoq atuarfeqarfiup ataani inissisimasunik, nunaqarfiniillu atuartunut inissaqartitsisoqarpoq atuartunut 20-nut.
|
||
